Etter fleire år i metallurgisk industri som sivilingeniør, byrja grunnleggjaren av Pagaj, Sylvelin Hege Sevilhaug, å undervise på vidaregåande skule, mellom anna i matematikk. I undervisninga opplevde ho at mange elevar var lite uthaldande før dei gav opp, og dei hadde problem med å sjå moglege løysingar. Ho sleit med å finne gode metodar for å trene elevane til å verta meir kreativite og uthaldande. Det var dessutan utfordrande å skape eit miljø som gjorde at elevane (óg dei flinke) våga å ta sjansar og dermed risikere å gjera feil - noko som i sin tur fører til stress og at elevane ikkje får nytta potensialet dei har. Løysinga fann ho mellom anna i hjernetrening. Metoden går ut på å arbeide med hjerne, kropp og omgjevnad, i ein kombinasjon av kognitive og fysiske oppgåver. Elevane får trene konsentrasjon, kreativitet og øve seg i å halde ut, samtidig som dei får øvd seg i å få eit lærande tankesett. Deltakarane opplever aktivitetane som stor grad av leik, og dei får prøvd seg på å gjera feil i ein samanhang der dette er heilt greit og berre morosamt.

Sevilhaug er óg musikkvitar og oppteken av kva musikk gjer med oss. Ho er mellom anna oppteken av korleis musikk kan gje akutt innverknad på sinnstilstand og stressnivå. Difor jobbar ho óg med å bruke musikk aktivt som eit middel til å finne ro og konsentrasjon, og dessutan få deltakarane til å kjenne seg betre og få ny energi. Du kan lese meir om Sylvelin Hege her.

Pagaj tyder toblada padleåre.